#Uhamiaji Yamshukuru Rais Samia Suluhu Hassan Kwa Kutunukiwa Nishani kwa...

Sikukuu njema ya Krismasi kwa Watanzania Wote

 

"Kwa niaba ya Maafisa, Askari na Watumishi wote wa Idara ya Uhamiaji, Nawatakia Watanzania wote Sikukuu Njema ya Krismasi. Tusherehekee kwa amani na utulivu ili tuweze kufika salama mwaka 2022" - Dkt. Anna Makakala

Maadhimisho ya Siku ya Kimataifa ya Wahamaji yalivyofana Dodoma Naibu Waziri Chilo atoa neno

Na Konstebo Amani Mbwaga, Dodoma

Naibu Waziri wa Mambo ya Ndani ya Nchi Mhe. Khamis Hamza Chilo ameongoza maadhimisho ya Siku ya Kimataifa ya wahamaji ambayo hufanyika kila tarehe 18 Disemba ya kila mwaka, ambapo mwaka huu maadhimisho hayo yamefanyika Jijini Dodoma katika viwanja vya Mwl. Nyerere.

Mhe. Chilo akiwa mgeni rasmi katika maadhimisho hayo alisema Tanzania inaungana na nchi nyingine duniani katika kutambua umuhimu wa mchango wa haki wanazostahili wahamaji ndio maana mwaka huu maadhimisho hayo yamekwenda kwa kauli mbiu isemayo “Kutumia fursa za uhamiaji wa binadamu”

Siku ya wahamaji ilianza kuadhimishwa kwa mara ya kwanza duniani mwaka 2000 baada ya kutangazwa na mkutano mkuu wa umoja wa mataifa (UN General Asembly) tarehe 04 Disemba 2000 kupitia azimio hilo masuala yote yanayotambua umuhimu wa mchango na haki wanazostahili wahamiaji duniani yalipewa kipaumbele.

“Tunahitaji kuzitumia fursa za Ki-Uhamiaji kwa binadamu ili kuweza kufikia malengo yetu” alisema Mhe. Chilo

Aidha ametoa wito kwa Uhamiaji kuendeleza doria, misako na operesheni mbalimbali katika maeneo yote ya mipaka ya nchini.

"Nendeni mkaendeleze kwa sababu najua kazi huko inaendelea ya misako na doria ya kupambana na kuwasaka wahamiaji haramu lakini nendeni mkaendeleze jitihada hizi ili lengo na madhumuni tuishi kwa amani na usalama” alisema

Kwa upande wake mwakilishi wa Kamishna Jenerali wa Uhamiaji nchini ambae pia ni Kamishna wa Uhamiaji Zanzibar Johari Masoud Sururu alisema tangu tarehe 15 Disemba 2021 Jeshi la Uhamiaji lilianza maadhimisho hayo kwa kuwa na maonesho ya huduma mbalimbali za kiuhamiaji sambamba na kutoa elimu kwa umma kuhusu masuala ya uraia, pasipoti, visa, vibali vya ukaazi sanjari na masuala ya wahamiaji haramu.

“Tanzania kama ilivyo nchi mbalimbali duniani imeendelea kutumia fursa za wahamaji hususani wale wanaoingia nchini kwa kufuata sheria kanuni na taratibu za nchi, kundi hili ni muhimu sana katika katika maendeleo ya Taifa letu" alisema Kamishna Sururu.

Aliongeza Pamoja na kutumia fursa za uhamiaji wa kibinadamu Jeshi la Uhamiaji limeendelea kudhibiti wahamiaji wasio rasmi na ambao hawafuati sheria na taratibu za nchi wakati wa kuingia na kutoka nchini.

Lengo la udhibiti huo ni kuhakikisha nchi inakua salama wakati wote ili kuepukana na ujambazi, ugaidi, utakatishaji fedha na usafirishaji haramu wa binadamu.

Maadhimisho ya siku hiyo yalihudhuriwa na Wakuu wa Uhamiaji Wastaafu akiwemo Mkurugenzi wa Uhamiaji (Mstaafu) Kinemo Kihomano aliyeoongoza Uhamiaji kutoka mwaka 1997 hadi mwaka 2010, Kamishna Mkuu wa Uhamiaji (Mstaafu) Magnus Ulungi aliyeongoza Uhamiaji toka mwaka 2010 hadi 2013 na Kamishna Mkuu wa Uhamiaji (Mstaafu) Sylvester Ambokile aliyeongoza Uhamiaji toka mwaka 2013 hadi mwaka 2015.

Siku hiyo ya Kimataifa ya Wahamaji ilihitimishwa kwa mgeni rasmi Mhe. Naibu Waziri Chilo kukagua mabanda ya maonesho ya shughuli za kiuhamiaji na banda la IOM-Tanzania sanjari na kukutana na bendi ya Uhamiaji iliyotumbuiza katika siku hiyo ambapo aliipongeza sana kwa kuendelea kutoa burudani na elimu kwa umma juu ya masuala ya Kiuhamiaji.

HABARI PICHA NA MATUKIO

Naibu Waziri wa Mambo ya Ndani ya Nchi Mhe. Khamis Hamza Chilo (katikati) akipokea maandamano ya maafisa askari na watumishi rai wa uhamiaji katika maadhimisho ya Siku ya Kimataifa ya Wahamaji iliyofanyika Jijini Dodoma katika uwanja wa Mwl. Nyerere tarehe 18 Disemba 2021

Wawakilishi wa wakuu wa vyombo vya ulinzi na usalama

Maandamano ya maaofisa askari na watumishi raia wa Uhamiaji wakiwa katika maandamano ya kuadhimisha siku ya kimataifa ya wahamaji jijini Dodoma

Kamishna Mkuu wa Uhamiaji (Mstaafu) Sylvester Ambokile 

Kamishna Mkuu wa Uhamiaji (Mstaafu) Magnus Ulungi 

Kamishna Mkuu wa Uhamiaji (Mstaafu) Sylvester Ambokile kushoto akiteta jambo na Kamishna wa Uhamiaji anaeshughulikia Huduma za Sheria Kamishna Edmund Mrosso katika maadhimisho ya siku ya Kimataifa ya wahamaji tarehe 18 Disemba 2021

Mkurugenzi wa Uhamiaji (Mstaafu) Kinemo Kihomano (Kulia) akisalimiana na Mkuu wa Kitengo cha Anuai za Jamii Uhamiaji Makao Makuu Kamishna Msaidizi Mwandamizi Mwanahamis Kawina katika maadhimisho ya siku ya kimataifa ya wahamaji iliyofanyika jijini Dodoma

Naibu Waziri wa Mambo ya Ndani ya Nchi Mhe. Khamis Hamza Chilo (Kushoto) akiteta jambo na Kamishna wa Uhamiaji Divisheni ya Vibali vya Ukaazi Pasi na Visa  Marry Palmer ndc katika maadhimisho ya Siku ya Kimataifa ya wahamaji iliyofanyika tarehe 18 Disemba 2021, Jijini Dodoma katika viwanja vya Mwl. Nyerere.

Naibu Waziri wa Mambo ya Ndani ya Nchi Mhe. Khamis Hamza Chilo (katikati) akipokea maelezo kutoka kwa Mrakibu wa Uhamiaji Azizi Kirondomara kuhusu huduma za kiuhamiaji katika banda la maadhimisho ya Siku ya Kimataifa ya Wahamaji iliyofanyika Jijini Dodoma katika uwanja wa Mwl. Nyerere tarehe 18 Disemba 2021

Brass Band ya Makutupora JKT ikiongoza maandamano ya maofisa askari na watumishi wa uhamiaji katika maadhimisho ya siku ya Kimataifa ya wahamaji tarehe 18 Disemba 2021 Jijini Dodoma

(Picha zote na Konstebo Amani Mbwaga)

#DAKIKA 45 ZA MAADHIMISHO YA SIKU YA KIMATAIFA YA WAHAMAJI DISEMBA 2021 ...

IJUE HISTORIA YA UHAMIAJI KABLA YA UHURU

#MIAKA 60 YA UHURU GWARIDE MWENDO WA HARAKA JWTZ, JKT, POLISI, MAGEREZA ...

UHAMIAJI WALIVYOIPAMBA SHEREHE YA MAADHIMISHO YA MIAKA 60 YA UHURU.

Na Konstebo Amani Mbwaga

Dar es Salaam. 

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan kwa mara ya kwanza alikagua Gadi ya Jeshi la Uhamiaji wakati wa Sherehe ya Maadhimisho ya kutimiza Miaka 60 ya Uhuru wa Tanzania bara.

Sherehe hizo zimefanyika  tarehe 09 Disemba 2021, katika uwanja wa Uhuru Jijini Dar es salaam ambapo Uhamiaji imeandika historia kwa mara ya kwanza chini ya kiongozi hodari Kamishna Jenerali wa Uhamiaji nchini  Dkt. Anna Makakala kushiriki katika gwaride la maadhimisho hayo wakishirikiana na Majeshi mengine hapa nchini ambayo ni Jeshi la Wananchi wa Tanzania (JWTZ), Jeshi la Kujenga Taifa (JKT), Jeshi la Polisi na Jeshi la Magereza nchini.

Rais Samia Suluhu Hassan alipowasili katika uwanja huo ulipigwa wimbo wa Taifa na wa Afrika Mashariki ambao uliambata na mizinga 21 kisha alianza kukagua gwaride lililoandaliwa rasmi kwa ajili maadhimisho hayo ambapo gwaride hilo lilikuwa na gadi mbalimbali zilizoundwa na vyombo vya ulinzi na usalama nchini zikiwemo gadi za Jeshi la Uhamiaji.

Baada ya ukaguzi, kiongozi mkuu huyo wa nchi alielekea jukwaa kuu kuungana na viongozi wengine kisha gwaride lilianza kupita kwa mwendo wa pole na haraka.

Sherehe hizo zilitawaliwa na kila aina ya hamasa huku umati mkubwa wa wananchi wakifika katika uwanja wa uhuru, wakivutiwa na matukio ya aina mbalimbali yaliyoanza kushuhudiwa tangu saa mbili asubuhi na kuendelea hadi nyakati za saa nane mchana.

Wakati vikosi  vikihitimisha gwaride na kutoka eneo la uwanja, vikosi vya makomandoo wa Jeshi la Wananchi (JWTZ), wakiwa na mabegi mgongoni yanayokisiwa kuwa na kilo zaidi ya 30 nao walipita mbele ya Mhe. Rais na baadae kuendelea na maonesho mengine yakiwemo ya ndege vita na uokozi pamoja na vifaa vita vingine ili kuonesha kwamba nchi yetu ipo salama wakati wote.

Waziri Mkuu wa Jamhuri ya Muungano wa Tanzania Mhe. Kassim Majiliwa ambae alikuwa Mwenyekiti wa kamati ya maandalizi ya sherehe hizo, alisema kwa namna wananchi walivyojitokeza kwa wingi ni ushuhuda tosha kwamba taifa hili limesafiiri miaka 60 ya uhuru katika njia ya amani na utulivu.

Rais Samia aliongoza maadhimisho haya, ikiwa ni ya kwanza katika utawala wake na ya kwanza kwa Jeshi la Uhamiaji kushiriki tangu Uhuru.

Aidha Mhe. Rais aliungwa mkono na marais wengine kutoka ukanda wa Afrika, ikiwamo Msumbiji, Rwanda, Comoro na Kenya.

Rais Samia kwenye maadhimisho hayo hakuwa na hotuba ndefu mbali ya kuwatambulisha wageni wake lakini alitumia muda mwingi kwenye hotuba aliyotoa  usiku siku moja kabla ya maadhimisho  kutaja mafanikio yaliyofikiwa tangu taifa hili lilipopeperusha kwa mara ya kwanza bendera yake mnamo Disemba 9, 1961.

HABARI PICHA NA MATUKIO

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan akikagua Gadi ya Uhamiaji katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan akisalima Wananchi katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Gadi ya Jeshi la Uhamiaji Tanzania

Rais wa Jamhuri ya Muungano wa Kenya Mhe. Uhuru Kenyata akiwasili katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Rais wa Rwanda Mhe. Paul Kagame akiwasili katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Kamishna Jenerali wa Uhamiaji nchini Dkt. Anna Makakala

Rais wa Rwanda Mhe. Paul Kagame akisalimiana na baadhi ya viongozi wa serikali na wageni waalikwa katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Baadhi ya Makamishna wa Uhamiaji Pichani walihudhuria sherehe hizo

Baadhi ya Maofisa na Askari wa Uhamiaji walihudhuria sherehe hizo

Kamishna wa Uhamiaji Utawala na Fedha Hamza Shaban (kulia) akiwa na Mkuu wa chuo cha Uhamiaji cha Kikanda (TRITA) Moshi  Kamishna Abdalah Towo wakifuatilia kwa makini maonesho yanayoendelea ya Maadhimisho ya Miaka 60 ya Uhuru.

Kamishna Jenerali wa Uhamiaji Dkt. Anna Makakala 

Kamishna wa Uhamiaji Zanzibar Johari Masoud Sururu akiwa katika Maadhimisho ya Miaka 60 ya Uhuru

Kamishna wa Uhamiaji Divisheni ya Uraia na Pasipoti Gerald Kihinga akifuatilia kwa makini maonesho mbalimbali ya Miaka 60 ya Uhuru yaliyokuwa yakiendelea katika uwanja wa Uhuru tarehe 09 Disemba 2021

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Gadi za Uhamiaji zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za Uhamiaji zikipita mbele ya Rais wa Jamhuri ya Muungano wa Tanzania na kutoa heshima wakati wa Maadhimisho ya Miaka 60 ya Uhuru

Gadi za Polisi zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JKT zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JWTZ zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JWTZ zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JWTZ zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za Magereza  zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za Magereza  zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

(Picha zote na Konstebo wa Uhamiaji Amani Mbwaga tarehe 9 Disemba 2021)