Visitors

IDARA YA UHAMIAJI TANZANIA UHAMIAJI HABARI BLOGU KARIBU KWENYE BLOG RASMI YA IDARA YA UHAMIAJI TANZANIA TUNAKULETEA MATUKIO YANAYOTOKEA KILA SIKU KATIKA IDARA YA UHAMIAJI TAFADHALI TUNAOMBA TUFUATILIE PIA KATIKA MITANDAO YETU YA KIJAMII

31 Machi 2022

Ziara ya CGI Dkt. Anna Makakala Mkoani Morogoro yafana sana

 Na. Konstebo Amani Mbwaga Morogoro.

Kamishna Jenerali wa Uhamiaji nchini Dkt. Anna Makakala leo tarehe 22 Machi 2022 amefanya ziara ya kikazi Mkoani Morogoro ambapo amefanya kikao kazi na maafisa na askari wa Uhamiaji mkoani humo.

Dkt. Makakala alipowasili alipokelewa na Afisa Uhamiaji Mkoa wa Morogoro Kamishna Msaidizi Mwandamizi wa Uhamiaji (SACI) Joseph Kasike sanjari na kupatiwa salamu ya heshima kutoka katika gwaride la mapokezi la Jeshi la Uhamiaji Mkoani Morogoro na baadae kukagua utendaji kazi, kusaini kitabu cha wageni na kisha kuongea na vyombo vya habari kuhusu lengo la ziara yake Mkoani Morogoro na baadae kuendesha kikao kazi cha maafisa, askari na watumishi raia.

Akiongea katika kikao kazi hicho amesisitiza kuendelea kuzingatia suala la nidhamu, utii na uhodari katika kutekeleza majukumu ya Uhamiaji kwa ufanisi na weledi wa hali ya juu kwa manufaa ya ulinzi na usalama wa nchi.

CGI Dkt. Makakala amewapongeza Maafisa na Askari wa Uhamiaji Mkoani hapo kwa kuwa waanzilishi wa kwanza wa kauli mbiu ya Uhamiaji na kuitekeleza kwa vitendo kauli mbiu hiyo ambayo ni "Uhamiaji Upendo Mshikamno Uwajibikaji na kukataa Rushwa"

Dkt. Makakala ameendelea kuupongeza Mkoa wa Morogoro kwa kuendelea kufanya kazi kwa ufanisi na weledi wa hali ya juu.

Aidha amewataka kuendeleza misako na doria ili kudhibiti wimbi la wahamiaji haramu sambamba na utoaji wa elimu ya uraia na kuendeleza zoezi la kutambua walowezi nchi nzima.

Kwa upande wake Afisa Uhamiaji Mkoa wa Morogoro Kamishna Msaidizi Mwandamizi wa Uhamiaji (SACI) Joseph Kasike akitoa taarifa ya utendaji kazi ya Mkoa alisema Mkoa wa Morogoro una jumla ya Wilaya saba (07) ambazo ni Morogoro, Kilombero, Kilosa, Ulanga, Malinyi, Mvomero na Gairo ambazo kote huduma za kiuhamiaji zinapatikana.

SACI Kasike aliongeza kwamba Mkoa wa Morogoro umeendelea kupata mafanikio mengi zaidi ikiwemo kutoa elimu ya uraia kwa umma, kufungwa kwa mfumo wa hati za dharula za kielektroniki Wilayani Gairo, kupatiwa pikipiki mpya aina ya Honda Wilayani Mvomero ili kurahisisha doria na misako ya mara kwa mara.

HABARI PICHA NA MATUKIO













































28 Februari 2022

Chuo cha Ulinzi wa Taifa (NDC) Chafanya Ziara ya Mafunzo Uhamiaji Makao Makuu.

Na. Mwandishi wetu Dodoma, Tanzania

Jeshi la Uhamiaji Tanzania mwishoni mwa wiki iliyopita lilipokea ujumbe wa Wakufunzi 30, na Wanafunzi 43 wa Mataifa mbalimbali, kutoka chuo cha Ulinzi wa Taifa (NDC) kwa ajili ya ziara ya kupatiwa mafunzo ya namna Jeshi la Uhamiaji linavyofanya shughuli zake katika ulinzi wa Taifa na maendeleo ya kiuchumi.

Ziara hiyo ya mafunzo ilifanyika katika Ofisi ya Uhamiaji Makao Makuu Jijini Dodoma huku ikiongozwa na Brigedia Jenerali Chelestino Msola na kupokelewa na Kamishna wa Uhamiaji Divisheni ya Uraia na Pasipoti Gerald Kihinga ambae alimwakilisha Kamishna Jenerali wa Uhamiaji Dkt. Anna Peter Makakala.

Katika mafunzo hayo, mada mbalimbali ziliwasilishwa na Maafisa kutoka Jeshi la Uhamiaji hususani Pasipoti, Visa za Kielektroniki, Uraia pamoja na mifumo inayotumika katika utoaji wa Pasipoti na visa za kieletroniki.

Aidha, Washiriki wa ziara hiyo walipata fursa ya kuuliza maswali na kujibiwa ipasavyo sanjari na Kutembelea maendeleo ya Ujenzi wa Ofisi ya Uhamiaji Makao Makuu Dodoma.

Kwa upande wao washiriki walimpongeza Kamishna Jenerali wa Uhamiaji Dkt. Anna Makakala kwa mafunzo waliyoyapata na kuongeza kuwa, mafunzo hayo yatawajengea uwezo wa kufanya kazi kwa ufanisi na weledi wa hali ya juu hususani katika kuwahudumia wananchi.

Baada ya kuhitimisha ziara ya mafunzo kwa wanafunzi wa chuo cha Ulinzi wa Taifa  (NDC) katika Makao Makuu ya Jeshi la Uhamiaji Jijini Dodoma ziara hiyo iliendelea tena katika vyombo vingine vya ulinzi na usalama hapa nchini.

HABARI PICHA NA MATUKIO
Kamishna wa Uhamiaji Divisheni ya Uraia na Pasipoti Gerald Kihinga akiongea na baadhi viongozi wa ujumbe kutoka chuo cha Taifa cha Ulinzi wa Taifa (NDC) walipofika Uhamiaji makao makuu kwa ajili ya ziara ya mafunzo



Wanafunzi wa Chuo cha Ulinzi wa Taifa NDC Wakiwa tayari kupatiwa shule ya masuala ya kiuhamiaji

Msemaji Mkuu wa Jeshi la Uhamiaji Mrakibu Paul Mselle akiratibu mafunzo ya masuala ya Uhamiaji wakati wanafunzi kutoka chuo cha ulinzi wa Taifa NDC walipofika kwa ajili ya kujifunza 




Mrakibu wa Uhamiaji Azizi Kilondomara akifafanua jambo mbele ya wanafunzi wa NDC 

Mkuu wa Msafara wa Wanafunzi kutoka NDC Brigedia Jenerali Chelestino Msola Akieleza lengo la ziara yao katika ofisi za Uhamiaji Makao Makuu Dodoma




Mkuu wa Msafara wa Wanafunzi kutoka NDC Brigedia Jenerali Chelestino Msola (Kushoto) akimkabidhi Jarida la NDC Kamishna wa Uhamiaji Divisheni ya Uraia na Pasipoti Gerald Kihinga


Kamishna wa Uhamiaji Divisheni ya Uraia na Pasipoti Gerald Kihinga (Kulia) Aakimkabidhi Kalenda ya Uhamiaji Mkuu wa Msafara wa Wanafunzi kutoka NDC Brigedia Jenerali Chelestino Msola

Mkuu wa Msafara wa Wanafunzi kutoka NDC Brigedia Jenerali Chelestino Msola (Kushoto) akimkabidhi zawadi ya mwavuli wenye nembo ya NDC Mrakibu wa Uhamiaji Eliud Ikomba ambaye aliwasilisha mada moja wapo ya masuala ya Uhamiaji kwa wanafunzi wa NDC

Mkuu wa Msafara wa Wanafunzi kutoka NDC Brigedia Jenerali Chelestino Msola (Kushoto) akimkabidhi zawadi ya kofia  yenye nembo ya NDC Mrakibu wa Uhamiaji Azizi Kilondomara ambaye nae aliwasilisha mada moja wapo ya masuala ya Uhamiaji kwa wanafunzi wa NDC

Mkuu wa Msafara wa Wanafunzi kutoka NDC Brigedia Jenerali Chelestino Msola (Kushoto) akimkabidhi zawadi ya Kofia yenye nembo ya NDC Msemaji Mkuu wa Jeshi la Uhamiaji Mrakibu Paul Mselle 


Ziara katika Ujenzi wa Ofisi ya Uhamiaji Makao Makuu Dodoma


Muonekano wa maendeleo ya Ujenzi wa Ofisi ya Uhamiaji Makao Makuu Dodoma

Mtaalamu wa Ujenzi kutoka SUMAJKT akitoa maelezo ya ujenzi


Baadhi ya wanafunzi wa chuo cha ulinzi wa Taifa NDC  wakifurahia jambo


(Picha zote na Kitengo cha Uhusiano Uhamiaji Makao Makuu)