Salamu za Pasaka

ANATAFUTWA

NDG. FAISALI HIRARY MWENYE PICHA HAPO JUU ANATAFUTWA NA IDARA YA UHAMIAJI KWA KOSA LA USAFIRISHAJI HARAMU WA BINADAMU KINYUME NA KIFUNGU CHA 46 CHA SHERIA YA UHAMIAJI, SURA YA 54, REJEO LA MWAKA 2016.

YEYOTE MWENYE TAARIFA KUHUSU MTUHUMIWA HUYO, ANAOMBWA KUIFIKISHA KATIKA OFISI YOYOTE YA UHAMIAJI AU KITUO CHA POLISI KILICHO KARIBU NAYE.

AIDHA, TAARIFA INAWEZA KUTOLEWA KWA NJIA YA SIMU KUPITIA NAMBA IFUATAYO: 0768 636 505.

“Pamoja Tushirikiane Kuilinda Nchi Yetu”

-------------------------

IMETOLEWA NA

KITENGO CHA UHUSIANO,

IDARA YA UHAMIAJI,

 MAKAO MAKUU,

Taarifa kwa Umma

ELIMU KWA UMMA SINGIDA YAZAA MATUNDA, WATUHUMIWA SITA WAKAMATWA

Idara ya Uhamiaji Mkoani Singida imetoa elimu kwa Umma kuhusu huduma mbalimbali zinazotolewa na Idara ya Uhamiaji zikiwemo Pasipoti, Vibali vya Ukaazi,Uraia na Uhamiaji haramu. Zoezi hilo linaendelea kufanyika katika Wilaya zote Sita za mkoa wa  Singida ambazo ni Manyoni, Mkalama, Ikungi, Iramba, Singida Mjini na Vijijini.  

Katika kutekelaza zoezi hilo Maafisa Uhamiaji Wilaya wanashirikiana na Kamati za Ulinzi na Usalama za Wilaya husika pamoja Maafisa Watendaji wa Kata na Mitaa/Vitongoji mbalimbali ikiwa ni lengo la kuwajengea uelewa Viongozi hao kuhusu masuala yanayohusu Uhamiaji.

Sambamba na elimu kwa umma, Uhamiaji Singida wameimarisha Mapambano ya Wahamiaji haramu kwa kufanya misako na doria za mara kwa mara katika maeneo yanayozaniwa kuwa hifadhi ya Wahamiaji haramu.

“Mpango huu wa Elimu kwa Umma umesaidia kufanikisha kuwakamata Wahamiaji haramu [02] Raia wa Ethiopia pamoja na Watanzania [04] ambao wanajihusisha na biashara haramu ya kusafirisha Wahamiaji haramu, Watuhumiwa wote wamefikishwa Mahakamani. Wananchi wamekuwa na mwamko na wamesaidia katika kuwaafichua watuhumiwa hao.  Natoa rai kwa Wananchi kuendelea kushirikiana na Idara ya Uhamaji kwa kutoa taarifa kwa Vyombo vya ulinzi na usalama pale wanapobaini kuna mtu au kikundi cha watu wanaodhaniwa kuwa wahamiaji haramu’’ alizungumza Kaimu Afisa Uhamiaji Mkoa Singida, Kamishna Msaidizi wa Uhamiaji Angela M. Shija.

Katika zoezi hilo kwa Wilaya ya Iramba inaongozwa na Kaimu Afisa Uhamiaji Wilaya Mkaguzi Dotto Selasini na kwa Wilaya za Singida Mjini na Vijijini linaratibiwa na kusimamiwa na Wakaguzi Wasaidizi Lawi Kumburu na Marcelin Marwa. Fuatilia habari picha zifuatazo:-

Kaimu Afisa Uhamiaji (W) Iramba Mkaguzi wa Uhamiaji Dotto Roman Selasini akitoa elimu kwa wananchi wa kijiji cha Kidaru katika Tarafa ya Kisiriri wilayani Iramba, katika muendelezo wa Idara ya Uhamiaji Mkoa wa Singida kutoa elimu kwa Umma

Mkuu wa Wilaya ya Iramba Mhe. Emmanuel Lwehaula (aliyeshika kitabu) akiwa na viongozi mbalimbali wa wilaya katika mkutano ambapo Kaimu Afisa Uhamiaji alipata fursa ya kutoa elimu kwa Umma.

Baadhi ya wananchi wa kijiji cha Kidaru waliohudhuria mkutano ambapo walipata elimu katika masuala mbalimbali yanasimamiwa na Idara ya Uhamiaji.

Wanakijiji wa Kidatu wakifuatilia kwa makini Elimu juu wa Wahamiaji Haramu iliyokuwa ikitolewa na Mkaguzi wa Uhamiaji Dotto Selasini

Wakaguzi wasaidizi wa Uhamiaji (kutoka kushoto) Lawi Kumburu na Marcelin Marwa wakitoa Elimu kwa Viongozi wa Serikali za Mitaa Kata ya Minga (Singida Mjini) namna ya kuwatambua wahamiaji Haramu katika maeneo yao. Lengo kuu la kikao hicho ni kubadilishana uzoefu na kutoa elimu ya masuala ya uhamiaji katika mkoa wa Singida.

Mkaguzi Msaidizi wa Uhamiaji Marcelin Hanson  akifafanua jambo katika mkutano uliowakutanisha viongozi wa Kata Minga na Maafisa Uhamiaji mkoa wa Singida lengo ni kupeana uzoefu na elimu katika masuala mbalimbali ya uhamiaji hasa tatizo la udhibiti wa Wahamiaji Haramu

Mtendaji wa Mtaa wa mtaa wa Arusha Road  Kata ya Minga Bw. Saidi Shabani akiuliza swali katika kikao cha kubadilishana uzoefu na uelimishaji wa masuala ya uhamiaji baina ya watendaji wa serikali za mitaa na maaisa Uhamiaji Mkoa wa Singida 

Mkaguzi wa Uhamiaji Lawi Kumburu akijibu swali kutoka kwa mmoja wa washiriki wa kikao cha kubadilishana uzoefu na uelimishaji wa masuala mbalimbali ya kiuhamiaji kwa watendaji wa serikali za mitaa na maafisa uhamiaji

Uhamiaji walipotia 'Mguu' Chuo Kikuu cha Kimataifa cha Kampala cha jijini Dar

Ukaguzi wa uhalali wa Ukaazi wa watumishi wa chuo Kikuu cha Kimataifa cha Kampala uliofanywa na Kamishna Jenerali wa Uhamiaji akiwa na Mheshimiwa Waziri wa Elimu Prof. Joyce Ndalichako chuoni hapo Gongolamboto jijini Dar es salaam.

MAELEZO JUU YA PASIPOTI YA KIELEKTRONIKI

UHAMIAJI YASHIRIKI USAFI NA KUTOA ZAWADI KWA WANAFUNZI KATIKA SHULE YA MSINGI MATUMAINI JIJINI DAR ES SALAAM.

Idara ya Uhamiaji imeshiriki zoezi la kufanya usafi katika shule ya msingi Matumaini iliyoko Kurasini jijini Dar es salaam. Shule hiyo inayomilikiwa na Jeshi la Wokovu inasomesha wanafunzi wenye mahitaji maalum toka Mikoa mbalimbali nchini na hata nje ya nchi.

Akiongea kwa niaba ya Kamishna Jenerali wa Uhamiaji, Kamishna wa Utawala na Fedha, Edward Peter Chogero ambaye ndiye aliyeongoza Maafisa, Askari na Watumishi wa kada nyingine wa Idara hiyo, alisema zoezi hilo ni mwendelezo wa utekelezaji wa agizo la Serikali la kufanya usafi katika kila Jumamosi ya mwisho wa mwezi. 

Aidha, Idara ya Uhamiaji ilitoa zawadi mbalimbali kwa wanafunzi wa shule hiyo walio na mahitaji maalum ikiwa ni sehemu ya kuwafariji na kuwaonesha upendo ili wajisikie ni sawa na watu wengine katika jamii.

Akiongea kwa niaba ya Uongozi, Luteni Thomas Sinana ambaye ni Mkurugenzi wa Shule hiyo aliishukuru na kuipongeza Idara ya Uhamiaji kwa moyo wa upendo waliouonesha kwa wanafunzi hao wenye mahitaji maalum, kwa kushiriki kwao katika kufanya usafi katika maeneo mbalimbali ya shule hiyo pamoja na kutoa zawadi mbali mbali kwa watoto hao.

Luteni Sinana alisema “kituo kina mahitaji mengi japo kuwa tunashirikiana na Serikali kutoa elimu kwa vijana hawa kuanzia darasa la kwanza mpaka la saba ila watoto wote waliopo hapa wana mahitaji maalumu kutokana na ulemavu wao hivyo tunapopata vifaa kama hivi vinatusaidia sana kwenye kituo chetu” .

Mwisho watoto hao walipata nafasi ya kuonyesha vipaji vyao mbalimbali ikiwa ni pamoja na kazi za mikono wanazotengeza wenyewe, kuimba, kucheza na kuigiza.

Kamishna wa Uhamiaji (Utawala na Fedha) Edward Chogero akikabidhi zawadi kwa Kiranja Mkuu wa Shule ya Matumaini Ernest Thomas mara baada ya zoezi la kufanya usafi kumalizika shuleni hapo.

Maafisa Uhamiaji wakifanya usafi katika Shule ya Msingi Matumaini leo Jumamosi Februari 24, 2018

Baadhi ya wanafunzi wa Shule ya Msingi Matumaini wakifuatilia tukio la kukabidhiwa zawadi

Kamishna wa Uhamiaji (Utawala na Fedha) akiwa na Mkurugenzi wa Shule ya Matumaini Luteni Thomas Sinana

Kikundi cha Sanaa cha Shule ya Msingi Matumaini kikitumbuiza wakati wa zoezi la utoaji zawadi shuleni hapo

Wanafunzi wa Shule ya Msingi Matumaini wakitoa burudani kwa Maafisa Uhamiaji waliofika shuleni hapo kwa ajili ya kushiriki usafi na kutoa zawadi

Wanafunzi wakisoma vipeperushi vyenye kuelezea maana ya Uhamiaji Mtandao

Kamishna Edward Chogero akiangalia vitu mbalimbali vinavyotengezwa na wanafunzi wa shule ya msingi Matumaini

Mwanafunzi wa Shule ya Msingi Matumaini ambaye pia ndiye kaka Mkuu wa shule hiyo akitoa shukrani kwa niaba ya wanafunzi wenzake mara baada ya kukabidhiwa zawadi hizo.

Maafisa Uhamiaji wakiwasalimia wanafunzi wa Shule ya Matumaini