UHAMIAJI WALIVYOIPAMBA SHEREHE YA MAADHIMISHO YA MIAKA 60 YA UHURU.

Na Konstebo Amani Mbwaga

Dar es Salaam. 

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan kwa mara ya kwanza alikagua Gadi ya Jeshi la Uhamiaji wakati wa Sherehe ya Maadhimisho ya kutimiza Miaka 60 ya Uhuru wa Tanzania bara.

Sherehe hizo zimefanyika  tarehe 09 Disemba 2021, katika uwanja wa Uhuru Jijini Dar es salaam ambapo Uhamiaji imeandika historia kwa mara ya kwanza chini ya kiongozi hodari Kamishna Jenerali wa Uhamiaji nchini  Dkt. Anna Makakala kushiriki katika gwaride la maadhimisho hayo wakishirikiana na Majeshi mengine hapa nchini ambayo ni Jeshi la Wananchi wa Tanzania (JWTZ), Jeshi la Kujenga Taifa (JKT), Jeshi la Polisi na Jeshi la Magereza nchini.

Rais Samia Suluhu Hassan alipowasili katika uwanja huo ulipigwa wimbo wa Taifa na wa Afrika Mashariki ambao uliambata na mizinga 21 kisha alianza kukagua gwaride lililoandaliwa rasmi kwa ajili maadhimisho hayo ambapo gwaride hilo lilikuwa na gadi mbalimbali zilizoundwa na vyombo vya ulinzi na usalama nchini zikiwemo gadi za Jeshi la Uhamiaji.

Baada ya ukaguzi, kiongozi mkuu huyo wa nchi alielekea jukwaa kuu kuungana na viongozi wengine kisha gwaride lilianza kupita kwa mwendo wa pole na haraka.

Sherehe hizo zilitawaliwa na kila aina ya hamasa huku umati mkubwa wa wananchi wakifika katika uwanja wa uhuru, wakivutiwa na matukio ya aina mbalimbali yaliyoanza kushuhudiwa tangu saa mbili asubuhi na kuendelea hadi nyakati za saa nane mchana.

Wakati vikosi  vikihitimisha gwaride na kutoka eneo la uwanja, vikosi vya makomandoo wa Jeshi la Wananchi (JWTZ), wakiwa na mabegi mgongoni yanayokisiwa kuwa na kilo zaidi ya 30 nao walipita mbele ya Mhe. Rais na baadae kuendelea na maonesho mengine yakiwemo ya ndege vita na uokozi pamoja na vifaa vita vingine ili kuonesha kwamba nchi yetu ipo salama wakati wote.

Waziri Mkuu wa Jamhuri ya Muungano wa Tanzania Mhe. Kassim Majiliwa ambae alikuwa Mwenyekiti wa kamati ya maandalizi ya sherehe hizo, alisema kwa namna wananchi walivyojitokeza kwa wingi ni ushuhuda tosha kwamba taifa hili limesafiiri miaka 60 ya uhuru katika njia ya amani na utulivu.

Rais Samia aliongoza maadhimisho haya, ikiwa ni ya kwanza katika utawala wake na ya kwanza kwa Jeshi la Uhamiaji kushiriki tangu Uhuru.

Aidha Mhe. Rais aliungwa mkono na marais wengine kutoka ukanda wa Afrika, ikiwamo Msumbiji, Rwanda, Comoro na Kenya.

Rais Samia kwenye maadhimisho hayo hakuwa na hotuba ndefu mbali ya kuwatambulisha wageni wake lakini alitumia muda mwingi kwenye hotuba aliyotoa  usiku siku moja kabla ya maadhimisho  kutaja mafanikio yaliyofikiwa tangu taifa hili lilipopeperusha kwa mara ya kwanza bendera yake mnamo Disemba 9, 1961.

HABARI PICHA NA MATUKIO

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan akikagua Gadi ya Uhamiaji katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam

Rais wa Jamhuri ya Muungano wa Tanzania na Amiri Jeshi Mkuu Mhe. Samia Suluhu Hassan akisalima Wananchi katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Gadi ya Jeshi la Uhamiaji Tanzania

Rais wa Jamhuri ya Muungano wa Kenya Mhe. Uhuru Kenyata akiwasili katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Rais wa Rwanda Mhe. Paul Kagame akiwasili katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Kamishna Jenerali wa Uhamiaji nchini Dkt. Anna Makakala

Rais wa Rwanda Mhe. Paul Kagame akisalimiana na baadhi ya viongozi wa serikali na wageni waalikwa katika Sherehe za Maadhimisho ya Miaka 60 ya Uhuru katika Uwanja wa Uhuru Jijini Dar es salaam tarehe 9 Disemba 2021

Baadhi ya Makamishna wa Uhamiaji Pichani walihudhuria sherehe hizo

Baadhi ya Maofisa na Askari wa Uhamiaji walihudhuria sherehe hizo

Kamishna wa Uhamiaji Utawala na Fedha Hamza Shaban (kulia) akiwa na Mkuu wa chuo cha Uhamiaji cha Kikanda (TRITA) Moshi  Kamishna Abdalah Towo wakifuatilia kwa makini maonesho yanayoendelea ya Maadhimisho ya Miaka 60 ya Uhuru.

Kamishna Jenerali wa Uhamiaji Dkt. Anna Makakala 

Kamishna wa Uhamiaji Zanzibar Johari Masoud Sururu akiwa katika Maadhimisho ya Miaka 60 ya Uhuru

Kamishna wa Uhamiaji Divisheni ya Uraia na Pasipoti Gerald Kihinga akifuatilia kwa makini maonesho mbalimbali ya Miaka 60 ya Uhuru yaliyokuwa yakiendelea katika uwanja wa Uhuru tarehe 09 Disemba 2021

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Askari wa JWTZ wakiwa katika moja ya onesho katika Maadhimisho ya Miaka 60 ya Uhuru 

Gadi za Uhamiaji zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za Uhamiaji zikipita mbele ya Rais wa Jamhuri ya Muungano wa Tanzania na kutoa heshima wakati wa Maadhimisho ya Miaka 60 ya Uhuru

Gadi za Polisi zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JKT zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JWTZ zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JWTZ zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za JWTZ zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za Magereza  zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

Gadi za Magereza  zikipita mbele ya Rais wa Jamhuri ya Muungano wa Tanzania wakati wa Maadhimisho ya Miaka 60 ya Uhuru

(Picha zote na Konstebo wa Uhamiaji Amani Mbwaga tarehe 9 Disemba 2021)

KAMISHNA JENERALI WA UHAMIAJI, DKT. A.P. MAKAKALA, AFUNGUA WARSHA KUHUSU USALAMA WA MIPAKA KWA NJIA YA MTANDAO

Kamishna  Jenerali wa Uhamiaji DKT. A. P. Makakala mapema wiki hii afungua warsha kuhusu Usalama wa Mipaka, warsha hiyo inayoendeshwa katika Chuo cha Uhamiaji cha Kikanda (TRITA) Moshi, ilifunguliwa na Kamishna Jenerali kwa njia ya mtandao akiwa Zanzibar.

 
Katika hotuba yake Dkt. Makakala alifahamisha kuwa usalama wa mipaka lazima upewe kipaumbele hasa kwa kuzingatia maendeleo ya sayansi na teknolojia ambayo yanachangia uhalifu unaovuka mipaka (Transnational Organized Crimes) duniani kote.

Dkt. Makakala aliwataka washiriki wa warsha hiyo kuwa makini na kuzingatia mafunzo watakayopatiwa ili waweze kuwafundisha wenzao ambao hawakupata fursa ya kushiriki mafunzo hayo pamoja na kuwataka kutumia mbinu mpya walizofundishwa katika marsha hiyo katika kudhibiti Uhalifu unaovuka mipaka.

Maafisa 32 walioshiriki katika warsha hiyo kutoka vituo mbali mbali vya kuingilia na kutokea watu nchini kutoka Tanzania Bara na Zanzibar walijifunza ukaguzi wa nyaraka, mienendo na mabadiliko ya mbinu za kudhibiti ugaidi, dawa za kulevya, umuhimu wa intelijensia katika kusimamia ulinzi na usalama wa mipaka pamoja na matumizi ya mifumo mbalimbali ya Uhamiaji.

 

MATUKIO KATIKA PICHA: ZIARA YA NAIBU WAZIRI MAMBO YA NDANI YA NCHI UHAMIAJI

Naibu Waziri wa Mambo ya Ndani ya Nchi Mhe. Khamis Hamza Khamis amefanya ziara kutembelea ofisi za Uhamiaji Makao Makuu pamoja na kukagua maendeleo ya ujenzi wa jengo Uhamiaji Makao Makuu jijini Dodoma siku ya Alhamis tarehe 24 Juni, 2021.

Mhe. Khamis akiwa Uhamiaji Makao Makuu eneo la Uzunguni, alipata wasaa wa kuongea na Maafisa, Askari na Watumishi wa Uhamiaji Makao Makuu na kuwataka kuchapa kazi kwa weledi, kujiepusha na vitendo vya rushwa na kuzingatia sheria za nchi katika kuwahudumia raia wa Tanzania na Wageni.

Awali, Kamishna Jenerali wa Uhamiaji Dkt. Anna Peter Makalala akisoma taarifa ya Utendaji kazi wa Idara ya Uhamiaji alisema kwamba anaishukuru serikali kwa kuwapandisha vyeo maafisa, askari na watumishi wa kada ya kiraia zaidi ya 1000.

Naibu waziri baadae alielekea eneo linapojengwa jengo la Uhamiaji Makao Makuu na kukagua hatua zilizofikiwa katika ujenzi huo na kuwataka wakandarasi kuharakisha ujenzi huo ikibidi kufanya kazi usiku na mchana ili kabla ya kuisha mwaka huu basi jengo hilo lianze kutumika.

Hii ni mara ya kwanza kwa Naibu Waziri wa Mambo ya Ndani Mhe. Khamis Hamza Khamis kutembelea idara ya Uhamiaji toka ateuliwe kuwa naibu waziri mwishoni mwa mwaka jana na aliyekuwa Rais wa Jamhuri ya Muungano wa Tanzania na Amiri Jeshi Mkuu hayati Dkt. John Pombe Joseph Magufuli ambapo mabadiliko yaliyofanya na Rais wa sasa Mhe. Samia Suluhu hassan hayakuathiri wizara ya mambo ya ndani.

Dkt. Anna Makakala akisoma taarifa ya Utendaji kazi wa Idara ya Uhamiaji mbele ya Naibu Waziri wa Mambo ya Ndani Mhe. Khamis Hamza Khamis

Baadhi ya Maafisa, Askari na watumishi wa Idara ya Uhamiaji wakimsikiliza Mhe. Khamis wakati akiongea nao nje ya jengo ya ofisi za Makao Makuu ya Uhamiaji Dodoma

Naibu Waziri Mhe. Khamis Hamza Khamis akiandika katika kumbukumbu zake wakati akiskiliza taarifa kutoka kwa Dkt. Makakala

Naibu Waziri wa Mambo ya Ndani ya Nchi Mhe. Khamis Hamza Khamis akiongea na Maafisa, Askari na Watumishi wa Idara ya Uhamiaji Dodoma

Picha ya Pamoja: Naibu Waziri pamoja na Viongozi waandamizi wa Idara ya Uhamiaji, kushoto ni Kamishna Jenerali wa Uhamiaji Dkt. Anna Makakala na kulia kwa waziri ni Kamishna wa Uhamiaji (Pasipoti na Uraia) Gerald Kihinga.

Kamishna wa Uhamiaji (Utawala na Fedha) Hamza Ismail Shaabani akitoa taarifa ya maendeleo wa jengo la Uhamiaji Makao Makuu jijini Dodoma

 

KAMISHNA WA UHAMIAJI ZANZIBAR AWATAKA WANANCHI KUFICHUA WAHAMIAJI WASIOFUATA SHERIA

Kamishna wa Uhamiaji Zanzibar Johari Masoud Sururu mapema wiki hii atembelea vipenyo mbali mbali katika Mkoa wa Kusini na Kaskazini Pemba ili kujionea mazingira halisi pamoja na kutoa elimu kwa Wananchi juu ya umuhimu wakushirikiana na Idara ya Uhamiaji katika kutoa taarifa kwa Wahamiaji wasiofuata sheria za Uhamiaji.

Akizungumza na Wananchi wanaoishi pembezoni mwa vipenyo vya mto wa kuwa na Mkia wa ng’ombe huko Kaskazini Pemba aliwataka wananchi kushiriki katika kuimarisha ulinzi kwenye vipenyo kwa kutoa taarifa kwa Idara ya Uhamiaji kuhusu chombo chochote kinachokusudia au kuonekana katika eneo hilo ili taratibu za kisheria ziweze kuchukuliwa.

Kamishna Sururu aliwafahamisha Wananchi hao athari za Uhamiaji haramu ikiwa ni pamoja na kuhatarisha usalama wa nchi na Serikali kukosa mapato yatokanayo na malipo ya visa.

Aidha Wananchi walitaka kupatiwa elimu zaidi ya Uhamiaji ili wawe na uwezo wa kuwabaini Wahamiaji Haramu katika maeneo yao. Wananchi hao waliahidi kutoa mashirikiano na Idara ya Uhamiaji.

Nae Sheha wa Shehia ya Gando Maalim Karim Mangunja alibainisha kuwa hakuna vyombo vya kigeni vinavyoingia katika vipenyo hivyo hata hivyo aliahidi pale ikitokea chombo chochote ikitakachotiliwa shaka ataijuilisha Idara ya Uhamiaji.