Vyombo vya Ulinzi na Usalama Nchini Vyashiriki Kikamilifu Mazishi ya Hayati Mhe. Benjamin Mkapa

Lupaso, Mtwara

Vyombo vya ulinzi na Usalama Nchini Tanzania mapema wiki hii vimeshiriki Kikamilifu Mazishi ya Rais Mstaafu wa awamu ya Tatu wa Jamhuri ya muungano wa Tanzania Hayati Mhe. Benjamin William Mkapa katika Kijiji cha Lupaso Wilayani Masasi Mkoani Mtwara.

Mazishi hayo yaliongozwa na Amiri Jeshi Mkuu wa Majeshi ya Ulinzi na Usalama nchini Tanzania Rais Dkt. John Pombe Magufuli na kuhudhuriwa na viongozi wengine mbalimbali wa serikali ya Jamhuri ya Muungano wa Tanzania na Serikali ya Mapinduzi Zanzibar wakiwemo ndugu na jamaa wa Hayati Benjamin Mkapa.

Mazishi hayo yalienda sambamba na Paredi ya heshima na upigaji wa mizinga 21 iliyoongozwa na Jeshi la Wananchi Tanzania JWTZ.

Mkuu wa Majeshi nchini (CDF) Jenerali Venance Mabeyo aliwaongoza wakuu wa vyombo vya ulinzi na usalama nchini akiwemo Kamishna Jenerali wa Uhamiaji (CGI) Dkt. Anna Makakala katika kuweka mashada ya maua na kuweka udongo ndani ya kaburi la Hayati Mkapa.

Hayati Mhe. Benjamin Mkapa Rais Mstaafu wa Jamhuri ya Muungano wa Tanzania alizaliwa Mwaka 1938 katika Kijiji cha Lupaso Wilayani Masasi Mkoani Mtwara na kufariki Julai 2020.

HABARI PICHA NA MATUKIO

Rais Dkt. John Pombe Magufuli akiwasili katika eneo la Mazishi

Kamishna Jenerali wa Uhamiaji (CGI) Dkt. Anna Makakala akisalimiana na Waziri Mkuu wa Jamhuri ya Muungano wa Tanzania Mhe. Kassim Majaliwa katika eneo la Mazishi ya Hayati Bemjamin William Mkapa katika Kijiji cha Lupaso

Kamishna wa Uhamiaji Utawala na Fedha Edward Chogelo akiwa na Kamishana wa Uhamiaji Divisheni ya Vibali vya ukaazi, Visa na Pasi Mary Palmer wakiwasili katika eneo la Mazishi kijijini Lupaso nyumbani kwa Hayati Mzee Mkapa

Kaburi likiwa katika hatua za mwisho kuandaliwa

Baadhi ya Viongozi wastaafu wakiwasili eneo la Tukio huku wakiongozwa na wataalamu wa Itifaki

Baadhi ya maofisa Askari na Raia wakitoa salamau zao za heshima za mwisho kabla ya kuuzika mwili wa Hayati Mzee Mkapa Nyumbani kwake Lupaso Mtwara

Maofisa Uhamiaji Mikoa ya Karibu nao Walihudhuria mazishi ya Hayati Mzee Mkapa

Waandishi wa Habari Mbalimbali nao waliweka Kambi Kijijini Lupaso-Mtwara ili Kuihabarisha Dunia  juu ya Tukio kubwa la Kitaifa la Mazishi ya Hayati Mzee Mkapa

Itifaki zikiendelea

Rais Dkt. John Pombe  Magufuli akihutubia Wanachi waliofika Kumuaga Hayati Mzee Mkapa Kijijini Lupaso Mkoani Mtwara

Gwaride la Mazishi likijiandaa kuingia Uwanjani 

Gwaride la Mazishi Likiingia Uwanjani

Rais wa Zanzibar Dkt. Ally Mohamed Shein akiweka Udongo katika kaburi la Hayati Mzee Mkapa

Mkuu wa Majeshi ya Ulinzi Tanzania  (CDF) Jenerali Venance Mabeyo akiwawakilisha Wakuu wa Vyombo vya Ulinzi  na Usalama Nchini Kuweka Udongo katika Kaburi la Hayati Mzee Mkapa

Familiya ya Hayati Mzee Mkapa ikiweka shada la Maua katika Kaburi lake

Rais wa Jamhuri ya Muungano wa Tanzania Mhe. Dkt. John Pombe Magufuli akiwaongoza Marais Wastaafu katika kuweka shada ya Maua katika Kaburi la Hayati Mzee Mkapa

Baadhi ya Mawaziri nao wakiweka shada la Maua

Wakuu wa Vyombo vya Ulinzi na Usalama Nchini wakiweka Mashada ya Maua katika Kaburi la Hayati Mzee Mkapa

Kamishna Jenerali wa Uhamiaji (CGI) Dkt. Anna Makakala akiagana na Mhe. Waziri Mkuu wa Jamhuri ya Muungano wa Tanzania mara baada ya Kumaliza Shughuli ya Mazishi

Waziri Mkuu wa Jamhuri ya Muungano wa Tanzania Mhe. Kassim Majaliwa Akiagana na Waku wa Vyombo vya Ulinzi na Usalama Nchini Mara baada ya Kumaliza Mazishi

(Picha zote na Kitengo cha Uhusiano Uhamiaji Makao Makuu)